သဘောတူလက်ခံသည်

ကလေးတစ်ဉီးအနေနှင့် ထဲနီ သည် စိတ်ပိုင်းဆိုင်ရာ မလုံခြုံမှုကို ခံစားရသည်။ သူ့အဖေ၏လက်ခံမှုကို တောင်းခံသော်လည်း တစ်ခါမှ မရရှိခဲ့ပါ။ ကျောင်း၌ ဖြစ်စေ၊ အိမ်၌ဖြစ်စေ သူလုပ်ဆောင်သမျှက စိတ်တိုင်းမကျစရာ ဖြစ်နေပုံပေါ် နေသည်။ အရွယ်ရောက်လာသည့်တိုင် စိတ်မလုံခြုံမှုက ရှိနေဆဲဖြစ်သည်။ ငါကောင်းကောင်းမလုပ်နိုင်ဘူးလားဟု သူအမြဲ စဉ်းစားနေမိသည်။

ထဲနီသည် ရှင်ယေရှုကို သူ၏ကယ်တင်ပိုင်ရှင်အဖြစ် ယုံကြည်ခဲ့ချိန်တွင်မှ ကြာမြင့်စွာ သူတောင့်တခဲ့သည့် စိတ်လုံခြုံမှုနှင့် သူ့အားလက်ခံမှုကို သူတွေ့ရှိခဲ့သည်။ ဘုရားရှင်သည် သူ့ကိုဖန်ဆင်းပြီး သူ၏သားသမီးကဲ့သို့ သူ့ကိုချစ်မြတ်နိုးကြောင်း သူသိခဲ့ရပြီး နောက်ဆုံးတွင် သူသည် အမှန်တန်ဖိုးထား နှစ်သက်ခံရကြောင်း ယုံကြည်မှုရှိရှိဖြင့် နေထိုင်သွားနိုင်တော့သည်။

ဟေရှာယအနာဂတ္တိကျမ်း ၄၃:၁-၄ တွင် ဘုရားသခင်က သူရွေးကောက်သော လူမျိုးတော်အား သူတို့ကို ဖန်ဆင်းပြုပြင်လျက်၊ သူ၏တန်ခိုးတော်နှင့် မေတ္တာတော်ကို သုံးပြီး သူတို့ကိုကယ်တင်မည်၊ "သင်သည် ငါမြတ်နိုးရာ ဖြစ်သောကြောင့် အသရေရှိပြီ"ဟု မိန့်တော်မူသည်။…

အခြားသူတို့အတွက်

ကိုဗစ်-၁၉ ကမ္ဘာ့ကပ်ရောဂါဖြစ်ပွားစဉ်ကာလ၌ စင်ကာပူနိုင်ငံသားများသည် ရောဂါပိုးကူးစက် မခံရစေရန် အိမ်၌သာနေကြသည်။ သို့သော် ကျွန်တော်ကတော့ မည်သည့်အန္တရာယ်မှမရှိဟု မှတ်ယူကာ ပျော်ရွှင်စွာနှင့်ရေကူးမပျက်ခဲ့ပါ။ သို့သော် ကျွန်တော့်ဇနီးက ပြည်သူ့ရေကူးကန်မှတစ်ဆင့် ရောဂါပိုးပါလာပြီး ရောဂါကူးစက်လွယ်နိုင်သည့် သူ့မိခင်အိုအတွက် ပူပန်ခဲ့သည်။ "ကျွန်မအတွက် အချိန်ကာလတစ်ခု လောက်အထိ ရှင်ရေမကူးဘဲနေလို့မရဖူးလား" ဟု သူမတောင်းဆိုခဲ့သည်။

ပထမတွင် "ရေကူးတာ အန္တရာယ်မရှိပါဘူး"ဟု ကျွန်တော်စောဒကတက်လို သော်လည်း ရေကူးခြင်းထက် သူမခံစားချက်က ပိုအရေးပါကြောင်း ကျွန်တော်နားလည်ခဲ့သည်။ သူမကို မလိုအပ်ဘဲစိတ်ပူစေသဖြင့် မဖြစ်မနေလိုအပ်သောအရာ မဟုတ်သည့် ရေကူးခြင်းကို ကျွန်တော်အဘယ့်ကြောင့် ဖက်တွယ်နေရမည်နည်း။

ရောမသြဝါဒစာ အခန်းကြီး ၁၄ တွင် ခရစ်တော်၌ယုံကြည်သူတို့သည် သတ်မှတ်ထားသည့် အစားအသောက်များကိုသာ စားရမည်လား၊ သတ်မှတ်ထားသည့် ပွဲတော်များ၌သာ ပါဝင်ဆင်နွဲရမည်လားစသည့် ပြဿနာများကို ရှင်ပေါလု ဖော်ပြထားသည်။ လူအချို့က သူတို့၏အမြင်ကို အခြားသူများလက်ခံအောင် အတင်းအကြပ်လုပ်ဆောင်ခြင်းကြောင့် ရှင်ပေါလုစိတ်ပူပန်ခဲ့ရသည်။

ယေရှုကိုယုံကြည်သူတို့သည်…

သန့်ရှင်းသောဝိညာဉ်တော်ထံမှ မစမှု

တက္ကသိုလ်၌ တစ်ခါတစ်ရံ အတန်းဖော်များနှင့်ကျွန်ုပ် အတန်းလစ်လေ့ရှိသော်လည်း နှစ်ကုန်စာမေးပွဲမတိုင်မီ အပတ်၌ ပါမောက္ခခရစ်၏ အတန်းကိုဖြင့် လူတိုင်း အမြဲတက်ကြသည်။ ထိုအချိန်ကား သူထုတ်ထားသည့် စာမေးပွဲမေးခွန်းနှင့် စပ်လျဥ်း၍ မပျက်မကွက် အရိပ်အမြွက် ပြောပြလေ့ရှိသည့်အချိန်ဖြစ်ပါသည်။

ပါမောက္ခခရစ်က စိတ်ရင်းဖြင့် ကျွန်ုပ်တို့ကို အမှတ်ကောင်းကောင်း ရစေလို ခြင်းကြောင့်ဖြစ်မှန်း ကျွန်ုပ်မသိမီက အဘယ်ကြောင့် သူထိုသို့လုပ်ရသနည်းဟု စဉ်းစားမိသည်။ သူက အဆင့်မြင့်မြင့်သတ်မှတ်ထားသော်လည်း ကျွန်ုပ်တို့ အဆင့်မီစေရန် သူကူညီပေးသည်။ စာမေးပွဲအတွက် ကောင်းစွာ ပြင်ဆင်ထား နိုင်ရန် ကျွန်ုပ်တို့လုပ်‌‌ဆောင်ရမည့်အရာမှာ မပျက်မကွက် အတန်းတက်ပြီး နားထောင်ရန်သာဖြစ်သည်။

ဘုရားသခင်လည်း ထိုနည်းတူဖြစ်သည့်အတွက် ကျွန်ုပ်အံ့သြရသည်။ ဘုရားသခင်သည် သူ၏စံချိန်စံနှုန်းများကို အလျော့အတင်းလုပ်၍ မရပါ။ သို့သော် ကျွန်ုပ်တို့ သူနှင့်တူလာစေရန် နက်နက်နဲနဲဆန္ဒရှိသည့်အတွက် ထိုစံချိန် စံနှုန်းများ ပြည့်မီအောင် ကျွန်ုပ်တို့ကိုကူညီရန် ဘုရားရှင်က သန့်ရှင်းသော ဝိညာဉ်တော်ကို ပေးသနားခဲ့ပါသည်။

ယေရမိအနာဂတ္တိကျမ်း…

အသက်ရှူလေတိုင်း

တီအန်း သည် ကြွက်သားများကို အားနည်းစေသော အလိုအလျောက် ကိုယ်ခံစွမ်းအားနည်းသည့် ရှားပါးရောဂါကြောင့် သေလုနီးပါးဖြစ်ခဲ့ချိန်တွင် အသက် ရှူနိုင်ခြင်းသည် ဆုလာဘ်တစ်ပါးဖြစ်ကြောင်း သိနားလည်ခဲ့သည်။ စက္ကန့်ပိုင်းသာ ခြားပြီး စက်ဖြင့်အဆုတ်ထဲသို့လေကို စုပ်ထည့်ပေးရခြင်းက ကုထုံး၏ အနာကျင်ဆုံးအပိုင်းဖြစ်ပြီး တစ်ပတ်ကျော်မျှ ကုသမှုခံယူခဲ့ရသည်။

တီအန်းသည် အံ့သြဖွယ်ပြန်လည်ကျန်းမာလာပြီး ယခုတွင် ဘဝ၏ စိန်ခေါ်မှုများနှင့်ပတ်သက်၍ မငြီးတွားရန် သူ့ကိုယ်သူ သတိပေးသည်။ "အသက်ပြင်းပြင်း ရှူသွင်းလိုက်ပြီး ဘုရားသခင်ကို ကျေးဇူးတင်လိုက်တယ်"ဟု သူပြောပါသည်။

ကျွန်ုပ်တို့လိုအပ်သော (သို့) လိုချင်သောအရာများ၌သာ အာရုံစိုက်မိရန် လွယ်ကူပြီး၊ တစ်ခါတစ်ရံတွင် အငယ်ဆုံးသောအရာများက အကြီးမားဆုံး သော အံ့သြဖွယ်ရာများဖြစ်ကြောင်းကို မေ့လျော့တတ်ကြသည်။ ပရောဖက် ယေဇကျေလ၏ရူပါရုံတွင် (ယေဇ ၃၇:၁-၁၄) ဘုရားသခင်သည်သာလျှင် ခြောက်သွေ့သောအရိုးများကို အသက်သွင်းပေးနိုင်ကြောင်းကို သူ့အား ဖွင့်ပြခဲ့ သည်။ အကြောအသားအရေတို့ ပြန်တက်လာသော်လည်း "အသက်မရှိ သေး"ပါ (:၈)။ ဘုရားသခင်က…

စည်းချက်ညီညီမြည်နေသောနာရီ

အလုပ်သမားအဖွဲ့တစ်ဖွဲ့သည် ရေခဲနေသောကန်မှ ရေခဲများကိုခုတ်ဖြတ်၍ ရေခဲသိုလှောင်ခန်းထဲသို့ ထည့်သွင်းနေစဉ် သူတို့အထဲမှတစ်ဦးက ပြူတင်းပေါက်မရှိသည့်သို့လှောင်ရုံထဲတွင် သူ၏လက်ပတ်နာရီပျောက်သွားသည်ကို သိလိုက်သည်။ သူတို့ဝိုင်း၍ရှာဖွေကြသော်လည်း ရှာမတွေ့ကြဘဲ အချည်းနှီးသာဖြစ်သည်။

သူတို့သည် ရှာဖွေမှုကိုလက်လျော့လိုက်ပြီး အပြင်သို့ပြန်ထွက်သွားချိန်တွင် လူငယ်တစ်ဦးသည် သိုလှောင်ရုံထဲသို့ဝင်သွားသည်။ မကြာမီ သူသည် နာရီကိုင်ပြီး ပြန်ထွက်လာသည်။ မည်သို့ရှာတွေ့သနည်းဟုသူ့အား မေးမြန်းရာ “ကျွန်တော် ငြိမ်ငြိမ်လေးသွားထိုင်နေလိုက်တာပါ။ ခဏအကြာမှာ နာရီစည်းချက်သံ တစ်တောက်တစ်‌တောက်ကို ကြားလိုက်ရပါတယ်” ဟု သူပြန်ဖြေခဲ့သည်။

သမ္မာကျမ်းစာ၌လည်း ငြိမ်သက်စွာနေခြင်း၏တန်ဖိုးကိုအကြိမ်ပေါင်းများစွာဖော်ပြထားသည်။ ဖြည်းညင်းသောအသံနှင့် ဘုရားသခင်မိန့်မြွက်ခြင်းသည်လည်း အံ့သြစရာမဟုတ်ပါ (၃ ရာ ၁၉:၁၂)။ များမြှောင်လှသော အလုပ်များနှင့် ပြည့်နှက်နေသည့် လောကလူ့ဘဝထဲတွင် ကိုယ်တော်၏အသံကိုကြားရန် ခက်ခဲနိုင်သည်။ သို့သော် ပျားပန်းခတ်အလုပ်များကို ရပ်ပြီး၊ ဘုရားသခင်နှင့်၊ သမ္မာကျမ်းစာနှင့် ကျွန်ုပ်တို့ငြိမ်သက်စွာ အချိန်ယူမည်ဆိုပါက ကျွန်ုပ်တို့၏အတွေး၌ ကိုယ်တော်၏ ဖြည်းညင်းသောအသံကို ခံစားကြားရမည် ဖြစ်သည်။

ဆာလံ ၃၇:၁-၇ တွင်…

ခရီးရှည်

သူနှင့်ရွယ်တူလုပ်ဖော်ကိုင်ဖက်များ တစ်ယောက်ပြီးတစ်ယောက် ရာထူးတိုးသွား ချိန်တွင် ဘင်ဂျမင်တစ်ယောက် နည်းနည်းမနာလိုဖြစ်ခဲ့ပါသည်။ “မင်းဘာလို့ ခုထိ မန်နေဂျာမဖြစ်သေးတာလဲ၊ မင်းဖြစ်သင့်ပြီ”ဟု သူငယ်ချင်းများကလည်း ပြောကြသည်။ သို့သော် သူ့အလုပ်အကိုင်နှင့်စပ်လျဉ်း၍ ဘုရားသခင်လက်ထဲ အပ်နှံရန် သူဆုံးဖြတ်ခဲ့သည်။ “ဒါဟာ ငါ့အတွက် ဘုရားသခင်ရဲ့ အကြံအစည် ဆိုရင် ငါ့အလုပ်ကို ငါကောင်းကောင်းလုပ်ရမယ်” ဟု သူပြန်တုံ့ပြန်ခဲ့သည်။

နှစ်အတန်ကြာမှ ဘင်တစ်ယောက် ရာထူးတိုးခဲ့ပါပြီ။ သူ၏အတွေ့အကြုံက သူ့အလုပ်ကို ယံုကြည်စိတ်ချမှုဖြင့် လုပ်ဆောင်နိုင်အောင်မစလျက် လက်အောက် ငယ်သားများ၏လေးစားမှုကိုပါ ရရှိခဲ့သည်။ အဆင်သင့်မဖြစ်သေးချိန်၌ ရာထူးတိုး ခဲ့သူအချို့မှာမူ ကြီးကြပ် စီမံမှုတာဝန်များနှင့် ရုန်းကန်လုံးပမ်းရလျက်ရှိပါသေးသည်။ သူထမ်းဆောင်ရမည့်ကဏ္ဍအတွက် သာ၍ကောင်းမွန်ထူးချွန်စွာ ပြင်ဆင်ရန် ဘုရားသခင်သည် သူ့ကို ‘ခရီးရှည်’သွားစေခဲ့ကြောင်း ဘင် သိနားလည်ခဲ့သည်။

ဣသရေလလူတို့အား အဲဂုတ္တုပြည်မှထုတ်ဆောင်စဉ်(ထွက် ၁၃:၁၇-၁၈) ခါနန်ပြည်သို့ အမြန်ရောက်မည့်ဖြတ်လမ်းမှာ အန္တရာယ်လွှမ်းသောလမ်းဖြစ် သဖြင့် ဘုရားသခင်က ခရီးရှည်ကို ရွေးချယ်ခဲ့သည်။…

စွန့်စားလျက် စကားလမ်းကြောင်းလွှဲခြင်း

အာမခံအကျိုးဆောင်က နောက်တစ်ခါတွေ့ရန်ပြောသောအခါ သက်သက်အချိန်ဖြုန်းနေတာဟု ဟာလီ တွေးလိုက်မိသည်။ အာမခံရောင်းအား ကောင်းရန် အတွက် ငြီးငွေ့ဖွယ်သူတို့ရောင်းနေသည့်အရာများအကြောင်း ပြောမည်ကို သိသော်လည်း သူမ၏ယုံကြည်ခြင်းအကြောင်းကို ပြောပြရန်အခွင့်ရှာပြီး အချိန်ကိုကျိုးရှိအောင် အကောင်းဆုံးအသုံးချမည်ဟု ဟာလီ ဆုံးဖြတ်လိုက်သည်။

အကျိုးဆောင်အမျိုးသမီးသည် မျက်ခုံး၌ ဆေးမင်ကြောင်ထိုးထားသည်ကို သတိပြုမိသဖြင့် ဘာလို့အဲဒါထိုးတာလဲဟု မရဲတရဲမေးလိုက်ပြီး ထိုအမျိုးသမီးက ကံကောင်းခြင်းများ ယူဆောင်ပေးမည်ဟုခံစားရ၍ထိုးခြင်းဖြစ်သည်ဟုဖြေသည်။ဟာလီ၏မေးခွန်းသည် ငွေရေးကြေးရေးစကားဝိုင်းမှ လမ်းကြောင်းလွှဲစေသည့် စွန့်စားခန်းတစ်ရပ်ပင်။ သို့သော် ထိုမှတစ်ဆင့် ကံကောင်းခြင်းနှင့် ယုံကြည်ခြင်း အကြောင်းပြောဖြစ်ပြီး ရှင်ယေရှုအပေါ် သူမှီခိုရသည့်အကြောင်းကို ဝေမျှပြောဆိုရန် စကားစပွင့်သွားသည်။ ထိုအလဟဿ ကုန်ဆုံးသွားမည့်အချိန်သည် ဘုရားခွဲခန့်မှတ်သားသောအချိန် ဖြစ်သွားသည်။

သခင်ယေရှုသည်လည်း စွန့်စားသောအမှုတစ်ခုပြုခဲ့သည်။ ယုဒပြည်မှ ဂါလိလဲသို့ ခရီးပြုစဉ် ဂျူးလူမျိုးများ၏အတွေး၌ပင်မရှိသည့် ရှမာရိအမျိုးသမီးနှင့်စကားပြောခဲ့သည်။ ပိုဆိုးသည်မှာ ထိုအမျိုးသမီးသည် ရှမာရိလူအချင်းချင်းပင် ရှောင်ဖယ်ကြသော မကောင်းသောအမျိုးသမီးဖြစ်သည်။ သို့သော် ထိုစကားဝိုင်း သည် လူများစွာကို ကယ်တင်ခြင်းသို့ပို့ဆောင်ခဲ့သည် (ယော…

ခွဲခွာခြင်းတွင် ညီညွတ်နေခြင်း

လုပ်ဖော်ကိုင်ဖက် တင်းမ် နှင့် ပရောချက်တစ်ခုကို အတူတကွလုပ်ဆောင်ရန် တာဝန်ပေးအပ်ခံရသောအခါ အယ်ဗင်သည် ကြီးမားသောစိန်ခေါ်မှုနှင့် ရင်ဆိုင် လိုက်ရပါတော့သည်။ ထိုအလုပ်ကို လုပ်ဆောင်မည့်နည်းလမ်းအပေါ် သူတို့၏ အကြံ၊ အစီအစဥ်များက အလွန်ကွဲပြားနေသောကြောင့်ဖြစ်သည်။ တစ်ယောက်၏ အမြင်ကို အပြန်အလှန်လေးစားလျက်နှင့် သူတို့၏နည်းလမ်းက ဆန့်ကျင်ဘက် ဖြစ်နေသောကြောင့် ပဋိပက္ခကြီးလာသည်။ သို့သော် အချင်းမများမီ သူတို့နှစ်ဦး သည် သူတို့၏မတူညီမှုများကို သူတို့ဆရာနှင့်ဆွေးနွေးရန် သဘောတူခဲ့ပြီး ဆရာက သူတို့နှစ်ယောက်ကို အဖွဲ့ခွဲထား လိုက်ပါတော့သည်။ ထိုနေ့၌ အတူတူလုပ်ရမှ စည်းလုံးခြင်းမမည်ကြောင်း စည်းလုံးညီညွတ်ခြင်းနှင့်ပတ်သက်သည့် သင်ခန်းစာကို အယ်ဗင် ရလိုက်ပါတော့သည်။

အာဗြံဟံသည်လည်း သူ့လူနှင့် လောတလူတို့ ဗေသလမြို့၌ တစ်ယောက် တစ်လမ်းစီ လမ်းခွဲရန် အကြံပြုခဲ့စဥ်က ထိုအမှန်တရားကိုနားလည်ခဲ့ပေလိမ့်မည် (က ၁၃:၅-၉)။ သူတို့ နှစ်ဦးလုံး၏တိရိစ္ဆာန်များအတွက် နေရာမလုံလောက်တော့ သောအခါ အာဗြံဟံက အမြော်အမြင်ရှိစွာဖြင့် အဖွဲ့ခွဲရန် အကြံပြုလိုက်သည်။…

ဘုရားရှိသလား

ကင်ဆာရောဂါဖြင့် လီလာ၏နောက်ဆုံးအချိန်ရောက်နေပါပြီ။ သူ့ခင်ပွန်း တိမောသေ က ချစ်မေတ္တာရှင်ဘုရားသခင်သည် သူ့ဇနီးကို အဘယ်ကြောင့် ဝေဒနာ ခံစားရစေသနည်းဟု နားမလည်နိုင်ဖြစ်ရသည်။ လီလာသည် လူများစွာတို့အား သစ္စာရှိစွာ သမ္မာကျမ်းစာသင်ကြားပို့ချပေးပြီး ဝိညာဉ်ရေးကို လမ်းပြတည့်မတ်ပေး ခဲ့သည်။ “ဘုရားသခင်၊ ဘာလို့ဒီလိုဖြစ်ခွင့်ပေးတာလဲ”ဟု သူငိုကြွေးခဲ့သည်။ သို့သော် တိမောသေသည် ဘုရားသခင်နှင့် သစ္စာမပျက် ဆက်လက်လျှောက်လှမ်းခဲ့သည်။

“ဒါဆို ဘုရားသခင်ကို ဘာလို့ ဆက်ယုံကြည်နေသေးလဲ၊ ဘုရားသခင်ကို ကျောခိုင်းမသွားအောင် ဘယ်အရာက တားဆီးနေလဲ” ဟု ကျွန်ုပ်ပွင့်ပွင့်လင်းလင်း မေးလိုက်သည်။

“ခုအဖြစ်အပျက် မတိုင်ခင်က အဖြစ်အပျက်တွေကြောင့်ပေါ့”ဟု သူ ဖြေသည်။ ဘုရားသခင်ကို မမြင်ရသော်လည်း သူ့အား ဘုရားသခင်မစခြင်း၊ ကွယ်ကာစောင့်ထိန်းခြင်းများကို သူပြန်ပြောင်းသတိရသည်။ ဤအရာများက သူ့မိသားစုကို ဘုရားသခင်စောင်မပို့ဆောင်နေသည့် လက္ခဏာသက်သေပင် ဖြစ်သည်။ “ကျွန်တော်ယုံကြည်တဲ့ဘုရားက သူ့နည်းလမ်း၊ သူအလိုတော်အတိုင်း လုပ်ဆောင်လာမယ်ဆိုတာ ကျွန်တော် သိတယ်” ဟု…

အစီအစဥ်များ နှောင့်ယှက်ခံရသည်

စကားထစ်ခြင်းကို ကုသပေးသူတစ်ဦးဖြစ်လာရန် ဂျိန်းရည်မှန်းထားသည်။ သို့သော် လက်တွေ့အလုပ်သင်ကာလတွင် ထိုအလုပ်မှာ သူမအတွက် စိတ်ထိခိုက်လွယ်ပြီး ခက်ခဲ သည့် အလုပ်ဖြစ်သောကြောင့် ထိုအကြံအစည်အဆုံးသတ်ခဲ့ရသည်။ ထို့နောက် ဂျိန်းသည် မဂ္ဂဇင်းတစ်အုပ်၌ စာရေးရန် အခွင့်အလမ်းရခဲ့သည်။ သူ့ကိုယ်သူ စာရေး ဆရာတစ်ဦးအဖြစ် တစ်ခါမျှမမြင်မိသော်လည်း နှစ်အတော်ကြာပြီးနောက် သူ့ရေးသည့်စာများအားဖြင့် နွမ်းပါး သော မိသားစုများအတွက် အားပေးရပ်တည်မှုဖြစ်ခဲ့ကြောင်း တွေ့ရှိခဲ့သည်။ “နောက်ကြောင်း ပြန်ကြည့်ရင် ဘုရားက ဘာကြောင့် ကျွန်မရဲ့အကြံအစည်ကို ပြောင်းလိုက်ရတယ် ဆိုတာကို နားလည်ရတယ်။ သူ့မှာ ကျွန်မအတွက် ပိုပြီးကြီးမားတဲ့အကြံရှိလို့ပဲ”ဟု သူပြောသည်။

ကျမ်းစာထဲ၌ အကြံအစည်များနှောင့်ယှက်ခံရသည့်အကြောင်းအရာ များစွာရှိ၏။ ပေါလု၏ ဒုတိယအကြိမ်ဧဝံဂေလိခရီးစဉ်တွင် ဗိသုန်ပြည်သို့ သတင်းကောင်း ယူဆောင် ပေးရန် ကြိုးစားခဲ့သော်လည်း ရှင်ယေရှု၏ဝိညာဉ်တော်က သူ့ကို တားဆီးခဲ့သည် (တ ၁၆:၆-၇)။ ဘုရားရှင်ပေးအပ်သည့်အမှုတော်နှင့် ကိုက်ညီသောအကြံ ဖြစ်သော်လည်း ဘာ့ကြောင့် ရှင်ယေရှုနှောင့်ယှက်ရသနည်း။…